மரணம் பற்றி சில...

மரணம் பற்றி சில குறிப்புகள்...

இருவர் சுமந்ததை
நால்வர் சுமக்கும்
தருணம்.

***

பிணத்தின் முகம் பார்த்தும்
சலனப்படாத மனதை
கள்ளம் கபடமற்ற பாசத்தின்
கண்ணீர் கரைத்து விடுகிறது

***

அப்பன் சாவான்
மகன் சாவான்
பேரன் சாவான்
ஒரு தலைமுறையின்
மிகச் சிறந்த வரம் இது
முறை பிழற்தல்
முன் வினைச் சாபம்

***

இறுதி யாத்திரையில்
இறைவனை விளித்து
ஒற்றை கூக்குரல்
உடைகிறது நெஞ்சு
வலுவிழக்கின்றன கால்கள்

***

விடையனுப்பி
கழுவித் தள்ளிய
வீட்டில்
சம்மந்தி வீட்டார்
சாதம்
தவிர்க்க முடியாதது
வயிற்றின்
அமிலம்

***

விதி எத்தனயோ
வழி செய்திருக்கிறது
ஆனால்
என் வீட்டிலிருந்து
காட்டிற்க்கு
ஒரே வழி

***

எத்தனை தயாராய்
இருந்தாலும்
இது வலிதான்
இது துயரம்தான்

***

சிலர் சிலருக்கு
இறந்த பின்தான்
அறிமுகம் ஆகிறார்கள்

***

மயானத்தில் கூட
எல்லாரும் விட்டுப்
போனப்பின்தான்
அமைதி.
இப்போது வருகிறது
என் தூக்கம்.
***

Aishu - Pencil Sketch

Kailaasa Nathar - Temple - Pencil Sketch

Kirthi Reddy - Pencil Sketch

காதல் கவிதைகள்

உன் இமைகளை
படபடத்து
என்னுள் ஓர்
பிரளயம் நிகழ்த்தி
குழப்ப நிலை சித்தாந்தத்தின்
பட்டாம்பூச்சி விளைவுகளை
உறுதி செய்து
கொண்டிருக்கிறாய்


***

பெருமழை வெள்ளம் தேவையில்லை
ஆழ்கடல் அலைகள் தேவையில்லை
சுழன்று சுழன்று கவிழ்த்து விடும்
நதியின் வேகம் தேவையில்லை
அகன்று அகன்று இருக்கும்
உன் இருவிழிகள் போதும்
என்னை மூழ்கடிக்க...

***

உன் விழிகளைக்
கொஞ்சம் மூடி வை
நான் அவற்றை
இருளில் தியானிக்க
ஏதுவாய்

***

என்னுள் ஓயாத அலைகளை
உருவாக்கிவிட்டு
இப்போது அமைதியாய்
இரு என்கிறாய்.

***

பள்ளிக்கு தாமதமாகிவிட்ட
சிறுவன்
காலை நேர வாகன நெரிசலில்
சாலை கடக்கத் தவிப்பது
போலத் தவிக்கிறேன்
கைகோர்த்து வாழ்வு கடக்க
எப்பொழுதும் இரு
என் பக்கத்தில்

***

அனல் தகிக்கிறது உள்ளே
ஏக்கம் வெளியேறுகிறது
வெம்மை மூச்சாக.
எனக்காக வீசும்
காற்றுக்குத் தெரியும்
இது என்ன திசை என்று
எப்போது மழை கொண்டு
வரவேண்டுமென்று.

***

அமைதியாக போய் வா
கண்களில் வழியும்
உப்பு நீரை உலர வை...
கணவன் கேட்டால்
தூசி விழுந்ததாகச் சொல்...
நினைத்துக் கொள் என்னை
முடியும் போதெல்லாம்.

***

காகிதமும் பேனாவும்
இல்லாமல் ஏமாந்திருக்கும் நேரம்
பார்த்து வந்து போகும்
கவிதை வார்த்தைகளைப் போல
துன்புறுத்துகிறாய்.

வந்து போனாய் எனினும்
சந்தித்து போக
நீ காத்திருக்கவில்லை
என்பதற்க்கு எனக்கு ஏன் இத்தனை வருத்தம்?

My Son's Portrait

Monica Belluci - Pencil Sketch

Poem

நீரும் மோருமே
கிடைக்காத உலகில்
தேனும் தயிரும்
தோலில் பூசும் குறிப்புகள்
அழகு பெண்களுக்கு

Surely no offence meant to women. This is just a thought when i read a note to mix some cream of milk with almond pastes and few drops of honey; and on the same fine day I recieved a presentation on scarcity of food.